Barcelona jinsabu f’negozjati ma’ Celta Vigo dwar id-difensur Javi Galan, hekk kif il-Katalani qed ifittxu li jiffirma difensur xellugi ġdid qabel tmiem is-suq tat-trasferimenti tas-sajf.
Marcos Alonso ta’ Chelsea għadu marbut ħafna ma’ bidla għal Camp Nou, iżda kien hemm suġġerimenti li ftehim għall-internazzjonali Spanja kien intemm ħesrem.
Minħabba f’hekk, Barcelona qalbu l-attenzjoni tagħhom fuq Galan, bit-team Katalan iqisuh bħala player li kapaċi jikkompeti ma’ Jordi Alba għar-rwol ta’ difensur xellugi dan l-istaġun.
