Barcelona se jagħmlu minn kollox sabiex jakkwistaw is-servizzi tal-attakkant internazzjonali Taljan Federico Chiesa. Dan tal-aħħar ma jinsabx fil-pjanijiet tal-kowċ ta’ Juventus Thiago Motta u qed jintalab jitlaq lit-tim.
Il-Blaugrana għandhom bżonn il-flus sabiex jaslu għalih u huwa għalhekk li se jneħħu lid-difensur Mikayil Faye li se jingħaqad ma’ Rennes. Huma se jdaħħlu s-somma ta’ €11-il miljun.
Chiesa hu ħerqan li jibda avventura ġdida f’La Liga wara l-esperjenzi li kellu ma’ Fiorentina u l-istess Juventus.
