Dani Alves qal li Barcelona “għandhom jieħdu vantaġġ” li jkollhom lil Ousmane Dembele fil-club, bil-Franċiż jibqa’ fil-Camp Nou wara tmiem it-tieqa tat-trasferimenti ta’ Jannar.
Wara li rrifjutaw li jiffirmawh bi ftehim ġdid fil-Camp Nou, il-ġganti Katalani qalu lil Dembele li kien se jinbiegħ fis-suq tax-xitwa, u numru ta’ clubs kienu marbuta mas-servizzi tiegħu.
L-iskadenza għaddiet bl-internazzjonali Franċiż għadu fil-club, u l-president ta’ Barcelona Joan Laporta qal li se jkun f’idejn il-coach Xavi li jiddeċiedi jekk ir-rebbieħ tat-Tazza tad-Dinja tal-2018 issa jerġax jiddaħħal fl-iskwadra, wara li tħalla barra mill-aħħar żewġ logħbiet tagħhom.
Qabel il-konfront ewlieni tal-Ħadd fil-La Liga ma’ Atletico Madrid, Alves wasal għad-difiża ta’ sieħbu, u saħaq li l-player ta’ 24 sena jista’ jikkontribwixxi għall-bqija tal-istaġun.
“Sakemm ikun għadu ma’ Barcelona, irridu niddefenduh. Jekk jitlaq fl-aħħar tal-istaġun, mod ieħor … imma għad fadallu ħames xhur u rridu nieħdu vantaġġ mill-fatt li hu għadu hawn,” qal Alves.
