Barcelona għamlu offerta finali ta’ kuntratt lil Ronald Araujo, bil-futur tad-difensur ċentrali fil-Camp Nou qed ikompli jitqiegħed f’dubju.
Il-ftehim attwali taż-żagħżugħ ta’ 23 sena mal-ġganti Katalani għandu jiskadi f’Ġunju 2023, u t-team immexxi minn Xavi s’issa ma rnexxielux jasal għal ftehim mad-difensur ċentrali dwar estensjoni.
Manchester United, Chelsea u Liverpool qed jingħad li qed iżommu ħarsithom mill-qrib fuq is-sitwazzjoni tal-internazzjonali Urugwajan, bit-tliet klabbs maħsuba li huma ħerqana li jakkwistaw il-firma tiegħu.
Barcelona issa offrew l-aħħar proposta lil Araujo u għamluha ċara li mhux se jgħollu l-offerta tagħhom irrispettivament mit-talbiet tiegħu.
Il-player mill-Amerika t’Isfel issa jrid tiddeċiedi jekk jiffirmax kuntratt ġdid mal-Katalani jew jimbottax għal ċaqliq fil-Premier League matul it-tieqa tat-trasferimenti ta’ dan is-sajf.
Araujo kien player ewlieni għal Barcelona matul l-istaġun 2021-22, fejn għamel 33 dehra fil-kompetizzjonijiet kollha, u skorja erba’ goals fil-proċess.
Id-difensur jinsab ħerqan li jibqa’ fil-Camp Nou minħabba l-iżvilupp tat-team mill-wasla ta’ Xavi ‘l hawn.
