Barcelona qed iħejju biex jaċċelleraw it-taħditiet tal-kuntratt mal-aġent ta’ Gavi, hekk kif il-ġganti Katalani qed jippruvaw jiffirmaw lill-player żagħżugħ b’kuntratt ġdid.
Iż-żagħżugħ ta’ 17-il sena gawda minn staġun mill-aqwa fil-Camp Nou, fejn għamel 43 dehra fil-kompetizzjonijiet kollha u skorja żewġ goals u pprovda sitt assists fil-proċess.
Il-kuntratt ta’ Gavi mal-ġganti Katalani għandu jiskadi f’Ġunju 2023, madankollu, u kien hemm għadd ta’ spekulazzjonijiet dwar il-futur tiegħu f’dawn l-aħħar xhur.
Manchester United huma maħsuba li jqisu liż-żagħżugħ bħala sostitut possibbli għal Paul Pogba, filwaqt li Chelsea, Liverpool u Manchester City huma wkoll maħsuba li huma ammiraturi tiegħu.
Madankollu, jidher li Gavi jrid jibqa’ Barcelona, u l-aġent tal-midfielder se jiltaqa’ mal-club ‘fil-jiem li ġejjin’ bit-tama li jasal għall-ftehim.
