Barcelona qed jippjanaw li jinkludu lil Oscar Mingueza fi proposta ġdida lil Leeds United għall-attakkant Raphinha.
Il-Blaugrana donnhom qed jitqiesu bħala kontendenti ewlenin biex jiffirmaw lill-player internazzjonali tal-Brażil u kellhom offerta ta’ £29 miljun miċħuda mill-Whites matul il-ġimgħa li għaddiet.
B’Manchester City u Liverpool lesti biex jidħlu f’taqtiegħa ma’ Barcelona għas-servizzi ta’ Raphinha, il-ġganti Katalani mistennija jerġgħu lura b’offerta mtejba qabel it-tieqa tat-tarsferimenti tas-sajf.
Barcelona jistgħu jitqiesu bħala favoriti fuq Man City u Liverpool billi jinkludu lid-difensur Mingueza fil-ftehim, b’Leeds maħsuba li huma ammiraturi ta’ dan il-player ta’ 22 sena.
Huwa mifhum li Leeds talbu informazzjoni dwar is-sitwazzjoni ta’ Mingueza fil-Camp Nou, u Barcelona huma dejjem aktar ottimisti li jista’ jintlaħaq ftehim għal Raphinha.
Mingueza għandu żewġ assists f’ismu minn 22 dehra bil-flokk ta’ Barcelona dan l-istaġun, iżda beda biss tmien logħbiet fil-La Liga fl-istaġun 2021-22.
