Barcelona ffinalizzaw ftehim ma’ Pierre-Emerick Aubameyang ta’ Arsenal.
It-tamiet tal-player ta’ 32 sena li jassigura ċaqliq lejn il-Katalunja dehru li ġew sfrattati aktar kmieni fil-jum tal-iskadenza minħabba nuqqas ta’ qbil finanzjarju bejn il-clubs, iżda, Aubameyang issa mistenni jingħaqad mal-club bi free transfer.
Aubameyang deher jasal f’Barcelona għas-sorpriża taż-żewġ clubs qabel ma ntlaħaq ftehim, u l-attakkant minn dakinhar deher spalla ma’ spalla mal-president ta’ Barcelona Joan Laporta qabel il-wasla imminenti tiegħu fil-Camp Nou.
L-ex player ta’ Borussia Dortmund se jkun qed iħalli lil Arsenal wara li ġie eżiljat mill-iskwadra mill-manager Mikel Arteta.
Aubameyang irreġistra 92 goal u 21 assist f’163 dehra għall-Gunners fil-kompetizzjonijiet kollha matul l-erba’ snin tiegħu fit-Tramuntana ta’ Londra, u rebaħ l-FA Cup u l-Community Shield f’dak iż-żmien.
