Barcelona qed jippjanaw li jiddiskutu tnaqqis ġdid fis-salarji mat-tliet players veterani Jordi Alba, Sergio Busquets u Gerard Pique.
L-iskwadra tal-Blaugrana kollha ħadet daqqa ta’ ħarta fis-salarji tagħhom matul l-2020 wara l-pandemija tal-COVID-19, bil-ġganti Katalani jiffaċċjaw djun ta’ aktar minn £1 biljun is-sena l-oħra.
Barcelona qed jippjanaw li jkunu attivi fis-suq tat-trasferimenti tas-sajf wara li ffokaw fuq l-iffirmar ta’ free agents u ftehimiet ta’ self matul l-aħħar xhur, iżda s-sitwazzjoni finanzjarja ħażina tagħhom xorta tista’ taffettwa n-negozju tagħhom.
Sabiex jagħtu spinta lill-prospetti tagħhom li jakkwistaw stilel ta’ isem kbir bħal Erling Braut Haaland u Robert Lewandowski, huwa mifhum li Busquets, Pique u Alba jistgħu jintalbu jnaqqsu s-salarji tagħhom.
It-tliet veterani huma kollha rrappurtati li qablu li jaċċettaw tnaqqis fis-salarju tagħhom is-sena li għaddiet, iżda n-negozjati jistgħu jkunu diffiċli bit-tliet players diġà qed jistennew pagamenti mdewma li qabel kienu diġá miftiehma.
Busquets għandu kuntratt fil-Camp Nou sas-sajf tal-2023, filwaqt li l-kuntratti ta’ Pique u Alba mal-club Katalan għandhom jiskadu fl-2024.
