Barcelona jistgħu jesploraw il-possibbiltà li jiffirmaw lil Joao Felix mingħand Atletico Madrid fi ftehim ta’ skambju parzjali.
Iż-żagħżugħ ta’ 22 sena beda jsib saqajh fil-Wanda Metropolitano taħt il-gwida ta’ Diego Simeone u skorja 10 goals u pprovda sitt assists fi 33 logħba fil-kompetizzjonijiet kollha dan l-istaġun.
Felix għad fadallu aktar minn erba’ snin biex fil-kuntratt tiegħu ma’ Atletico li ffirma mal-wasla tiegħu ta’ £113m fis-sajf tal-2019, iżda l-futur tiegħu maċ-champions Spanjoli għadu qed jiġi kkontestat.
Huwa mifhum li Barcelona identifikaw lill-player internazzjonali tal-Portugall bħala mira potenzjali tas-sajf, u l-aġent Jorge Mendes jista’ jipprova jfassal ftehim ta’ skambju parzjali.
Jidher li Adama Traore jew Francisco Trincao jistgħu jintbagħtu Madrid bħala parti mill-ftehim, iżda Atletico mhumiex ħerqana li jċedu lil Felix fost l-istaġun mill-aqwa tiegħu.
L-ex player ta’ Benfica, li qabel kien marbut ma’ clubs bħal Manchester United u Arsenal, sa issa skorja 29 goal u pprovda 15-il assist f’109 partiti għall-Madrileni.
