Bosta qiesu l-offerta ta’ €7 miljun li għamlu Barcelona għal Lionel Messi bħala waħda ridikola. Dan tal-aħħar jixtieq jirritorna fil-Camp Nou wara sentejn bil-flokk ta’ Paris St Germain iżda żgur mhux b’dik is-somma li għalih hi waħda baxxa.
Bħalissa Messi jaqla’ aktar minn €40 miljun mal-Pariġini u qed jiġi attirat minn offerti oħra li ġejjin mill-Arabja Sawdija li wara li ħadu lil Cristiano Ronaldo ma’ Al Nassr huma lesti li jiksbu stilla oħra f’pajjiżhom.
Barcelona jinsabu fl-ewwel post tal-kampjonat iżda għandhom problemi kbar finanzjarji.
