Barcelona qed ikomplu bid-diskussjonijiet ma’ Xavi fir-rigward li jsir il-manager il-ġdid tagħhom.
Il-president Joan Laporta appoġġa pubblikament lill-manager attwali Ronald Koeman, minkejja l-kwistjonijiet li għaddejjin dwar l-istil ta’ logħob tal-club u r-riżultati attwali.
Madankollu, ilu jingħad li Xavi jista’ jieħu l-kariga ta’ manager ta’ Barcelona meta jixtieq, xi ħaġa li Laporta jidher li qed ifittex li jaċċellera.
Il-partijiet rilevanti huma fi djalogu kostanti dwar l-ex midfielder li jista’ jieħu post Koeman fit-tmexxija tal-club.
Il-coach ta’ 41 sena ilu fit-tmexxija tat-team tal-Qatari Al Sadd mill-2019, bil-club tiegħu rebaħ l-aħħar titlu tal-kampjonat mingħajr ma sofra telfa.
B’kuntrast qawwi, Barcelona jinsabu fid-disa’ post fil-La Liga u sofrew żewġ telfiet konsekuttivi fiċ-Champions League.
