Barcelona jistgħu jippruvaw jerġgħu jiffirmaw lill-attakkant ta’ Wolverhampton Wanderers, Adama Traore jekk Ousmane Dembele ma jiffirmax kuntratt ġdid mal-club.
Il-ftehim ta’ Dembele fil-Camp Nou mistenni jiskadi fl-aħħar ta’ Ġunju, u l-internazzjonali ta’ Franza huwa maħsub li jista’ jħalli lill-ġganti Katalani bi free transfer.
Jekk ir-rebbieħ tat-Tazza tad-Dinja tal-2018 jitlaq f’Jannar jew dan is-sajf allura Barcelona jistgħu jagħmlu pass biex iġibu lil Traore lura fil-club.
L-internazzjonali ta’ Spanja huwa prodott tas-sistema taż-żgħażagħ tal-club mil-La Liga, u għamel erba’ dehriet għall-ewwel team tagħhom, fejn skorja darba, qabel ingħaqad ma’ Aston Villa fl-2015.
Traore għamel 20 dehra għal Wolves matul l-istaġun 2021-22 iżda għad irid jirreġistra goal jew assist għat-team ta’ Bruno Lage.
Għad hemm spekulazzjoni mifruxa dwar il-futur tiegħu, b’Tottenham Hotspur maħsub li huma interessati li jiffirmaw lill-Ispanjol qabel tmiem it-tieqa tat-trasferimenti ta’ Jannar.
Traore, maħsub ukoll li jinsab fil-lista qasira ta’ miri ta’ trasferimenti ta’ Liverpool, issa fadallu inqas minn 18-il xahar fil-kuntratt tiegħu fil-Molineux Stadium.
