Barcelona bdew jagħtu r-ringrazzjamenti tagħhom lid-difensur veteran tagħhom Gerard Pique li ħabbar li l-logħba t’għada li mill-kampjonat Spanjol kontra Almeria li se tintlagħab f’Camp Nou se tkun l-aħħar waħda tiegħu bħala plejer tal-futbol. Hu għandu 35 sena.
F’nofs din il-ġimgħa, l-eks maħbub ta’ Shakira ħabbar li ma kienx se jistenna sal-aħħar tal-istaġun sabiex jagħmel dan il-pass u ddeċieda li jilgħab l-aħħar minuti tiegħu għada.
Bosta partitarji Katalani kienu mbikkma wara din l-aħbar fejn marru fuq il-profil soċjali tal-klabb sabiex ifaħħru lil dan il-plejer li minn dejjem kien ma’ Barcelona.
