Barcelona ma kinux f’kuntatt ma’ Kylian Mbappe minkejja x-xnigħat riċenti dwar l-attakkant ta’ Paris Saint-Germain li jista’ jingħaqad mal-ġganti Katalani.
Il-kuntratt ta’ Mbappe fil-kapitali Franċiża għandu jiskadi fl-aħħar ta’ Ġunju, u Real Madrid huma maħsuba li jinsabu f’pożizzjoni tajba biex jassiguraw is-servizzi tiegħu bi free transfer.
Huwa mifhum li Barcelona ppruvaw jakkwistaw lill-attakkant billi għamlu kuntatt mal-aġent tal-player ta’ 23 sena biex jiddiskutu bidla possibbli għal Camp Nou.
Madankollu, il-ġganti Katalani ma daħlu f’ebda diskussjoni mal-kamp tal-player internazzjonali Franċiż.
Barcelona minflok qed jiffokaw fuq Erling Braut Haaland ta’ Borussia Dortmund, bil-club jemmen li Mbappe se jkun qed jingħaqad ma’ Real Madrid minkejja l-ispekulazzjonijiet riċenti.
Mbappe reġa’ kien f’forma eċċellenti għall-club Franċiż tiegħu matul l-istaġun 2021-22, fejn skorja 26 goal u rreġistra 17-il assist f’37 dehra fil-kompetizzjonijiet kollha.
PSG għadhom maħsuba li qed jaħdmu biex iżommu lill-attakkant fuq il-kotba tagħhom iżda x’aktarx ma jirnexxielhomx jagħmlu dan.
