Jidher li Barcelona mhux se jagħmlu tentattiv biex jiffirmaw lid-difensur ta’ Chelsea, Antonio Rudiger.
Hekk kif fadallu biss xahrejn u nofs fil-kuntratt tiegħu mal-Blues, Rudiger naturalment qed ikun marbut ma’ firxa wiesa’ ta’ clubs Ewropej ewlenin, inkluż Barcelona.
Riċentement, ġie rrappurtat li r-rappreżentanti tal-player internazzjonali Ġermaniż kellhom diskussjonijiet ma’ uffiċjali tal-ġganti Katalani fi sforz biex jintlaħaq ftehim.
Madankollu, huwa mifhum li l-club tal-La Liga issa mhux mistenni li jsegwi ftehim mal-player.
B’Ronald Araujo ferm viċin li jestendi l-kuntratt tiegħu mal-ġganti Katalani u Rudiger qed jitlob madwar €10m kull staġun, qed jingħad li Barcelona qed joqogħdu lura milli jżidu lill-player ta’ 29 sena mal-iskwadra tagħhom.
Fi żmien meta Chelsea ma jistgħux jinnegozjaw termini ġodda ma’ Rudiger minħabba t-teħid imminenti tagħhom, clubs bħal Real Madrid, Paris Saint-Germain u Juventus qed jingħad li qed isegwu s-sitwazzjoni mill-qrib.
