Barcelona huma ppreparati biex jagħmlu offerta għall-attakkant ta’ Leeds United, Raphinha, fi tmiem l-istaġun.
L-internazzjonali Brażiljan kompla jilgħab f’Elland Road mill-wasla tiegħu fl-2020 mingħand Rennes, iżda l-inkwiet tal-Whites dwar ir-relegazzjoni wassal għal spekulazzjoni intensa dwar il-futur tiegħu.
L-10 goals u t-tliet assists ta’ Raphinha fil-Premier League dan l-istaġun ma setgħux jipprevjenu lil Leeds milli jiżżerżqu fis-17-il post fil-klassifika meta għad fadal logħba waħda biss għal tmiem l-istaġun.
