Teżisti possibbiltá li Barcelona jikkonfermaw l-akkwist ta’ Marcos Alonso mingħand Chelsea qabel tmiem il-ġimgħa.
Il-player internazzjonali ta’ Spanja kien marbut b’mod qawwi mal-ġganti Katalani matul l-aħħar ġimgħat, bit-team immexxi minn Xavi jidher li jidentifikah bħala l-għażla numru wieħed tagħhom biex jipprovdi kompetizzjoni għal Jordi Alba bħala difensur xellugi matul l-istaġun 2022-23.
Alonso ma kienx involut fl-ewwel partita ta’ Chelsea fil-Premier League kontra Everton is-Sibt li għadda, bil-manager tal-Blues Thomas Tuchel jikkonferma li tluq mill-club għalih huwa wieħed imminenti.
