Malta …………..73
Azerbaijan …….71
(16-8, 12-17, 21-27, 24-19)
It-team nazzjonali Malti tal-basketball kellu bidu pożittiv fil-Kampjonat Ewropew tal-Pajjiżi ż-Żgħar meta għeleb lil dak talAzerbaijan bl-iskor ta’ 73-71.
Kienet logħba ferm eċċitanti u bilanċjata fejn iż-żewġ timijiet baqgħu telgħin ras imb’ras.
Fl-aħħar 13-il sekonda, l-iskor kien dak ta’ 69-69, iżda David Bugeja għamel free-throw (70-69) biex mit-tieni wieħed tiegħu, minn rebound offensiva Samuel Deguara (72-69) għamel il-basket.
Madankollu fl-aħħar seba’ sekondi, Jordan Davis (72-71) irnexxielu jippottja ż-żewġ free throws tiegħu għal Azerbaijan biex il-logħba daħlet f’fażi mill-aktar interessanti … biex fl-aħħar erba’ sekondi Nathan Xuereb (73-71) ippottja wieħed miż-żewġ free throws … u b’hekk ma kienx fadal ħin biex l-avversarji setgħu jirkupraw.
L-awqa skorer Malti kien Samuel Deguara bi 28 punt, segwit minn David Bugeja (18), Nathan Xuereb (12), Nelson Kahler (8), Aaron Falzon u Kurt-Joseph Xuereb (3) u Matthew Scerri (1).
Il-players l-oħra kienu Jack Zammit, Alec Felice Pace, Tevin Falzon u Ian Felice Pace, bil-coach ikun Alan Kaleo Walls assistit minn Roderick Vella.
Il-Ħamis il-Maltin jilagħbu kontra Andorra.
