L-amministratur sportiv ta’ Bayer Leverkusen Fernando Cerro kien qed jitkellem dwar il-kowċ Xabi Alonso li għal ħafna dan jista’ jkun l-aħħar staġun tiegħu maċ-champions Ġermaniżi. L-għidut hu li dan il-kowċ Spanjol jista’ jieħu post Carlo Ancelotti fit-tmexxija ta’ Real Madrid sa minn Ġunju li ġej.
Cerro qal li għandu tama qawwija li Alonso jibqa’ fit-tmexxija tat-tim minn Leverkusen minħabba li skontu hemm proġett li jrid ikompli.
