Hekk kif Tottenham Hotspur qed jikkonvinċuh sabiex jibqa’ f’Londra, l-attakkant internazzjonali Ingliż Harry Kane għadu qed jikkontempla jfittixx esperjenza ġdida.
Bayern Munich huma interessati ferm sabiex jiksbu s-servizzi tiegħu hekk kif l-ogħla awtoritajiet tal-klabb se jmorru għalih u joffrulu kuntratt attraenti.
Min-naħa tiegħu, Kane għandu kuntratt mat-tim minn Londra sa Ġunju 2024 bir-rieda tiegħu hu li jipprova xi ħaġa ġdida wara 13-il sena ta’ servizz magħhom.
