Bayern Munich taw l-ewwel kuntratt professjonali lid-difensur ċentrali Tarek Buchmann. Dan tal-aħħar għad għandu biss 18-il sena u spikka ferm fil-kampjonat taż-żgħażagħ Ġermaniż.
Anke l-kowċ tat-tim mill-Bavarja Thomas Tuchel kien qed isegwih mill-qrib u informa lid-diriġenti tiegħu sabiex jagħmlulu kuntratt professjonali.
Fil-fatt Buchmann iffirma sas-sena 2026 biċ-ċans li fl-istaġun li ġej ikollu wkoll xi dehriet mat-tim tal-kbar.
