Ilbieraħ kienet il-ġurnata tal-preżentazzjoni tal-gowlkiper il-ġdid ta’ Bayern Munich Daniel Peretz. Dan tal-aħħar kien qed jilgħab ma’ Maccabi Tel Aviv u se jkun is-sostitut ta’ Yann Sommer li sadanittant ingħaqad ma’ Inter.
Peretz fisser il-ferħ tiegħu li ngħaqad mat-tim mill-Bavarja iżda fuq kollox kien ferm eċitat li se jkellem wieħed mill-idoli tiegħu l-gowlkiper Ġermaniż Manuel Neuer. Hu qal li meta kien żgħir kien jarah jilgħab u kien influwenzat ħafna minnu. Hu temm jgħid li qatt ma basar li se jibda jitħarreġ miegħu.
