Bayern Munich mhumiex beħsiebhom ineħħu lill-plejer ta’ nofs il-grawnd tagħhom Ryan Gravenberch. Dan tal-aħħar qed jiġi mfittex minn Liverpool li min-naħa tagħhom offrew is-somma ta’ €48 miljun għalih.
Minkejja li l-eks plejer ta’ Ajax Amsterdam ftit kellu ċans jilgħab taħt id-diversi kowċis li kellhom Bayern Munich, il-klabb mill-Bavarja mhux lest li jċedih.
Madankollu, Gravenberch li għandu 21 sena ftit jidher lest li jibqa’ fuq il-bank tas-sostituti u talab lid-diriġenza aktar informazzjoni dwar il-pjanijiet tagħhom għalih.
