Bayern Munich qed jitolbu €50 miljun għall-attakkant internazzjonali Pollakk, Robert Lewandowski.
Barcelona qed ipoġġu lil dan il-player bħala l-prijoritá fis-suq tat-trasferimenti iżda mhumiex lesti li jħallsu din iċ-ċifra għal player li f’Awwissu li ġej se jagħlaq 34 sena.
F’Ġunju tas-sena li ġejja jintemmlu l-kuntratt u l-Bavarjani qed jistennew li t-Tlieta jinżel għat-taħriġ bħas-soltu hekk kif proprju t-Tnejn jiġu fi tmiemhom il-btajjel tiegħu.
Peró, huma lesti li jħallu lil Lewandowski jitlaq jekk xi club iħallas €50 miljun għas-servizzi tiegħu.
Min-naħa tal-player Pollakk, qed isostnu li ma jridx jibqa’ ma’ Bayern.
