Wara li rebħu t-Treble notevoli fl-istaġun li għadda, li kien jinkludi l-ewwel trofew tagħhom taċ-Champions League, Manchester City ġew imdgħajfa mmedjatament aktar kmieni dan is-sajf hekk kif il-captain Ilkay Gundogan ingħaqad ma’ Barcelona.
L-internazzjonali Ġermaniż kien strumentali kemm bil-logħob kif ukoll bil-goals li skorja għat-team ta’ Pep Guardiola, u għalkemm minn dakinhar ffirmaw lill-eks midfielder ta’ Real Madrid, Mateo Kovacic, mingħand Chelsea, is-City xorta jridu jsaħħu aktar is-settur ta’ nofs il-ground.
Player wieħed li jittamaw li jagħmlu dan miegħu huwa Frenkie De Jong. Il-Blues huma ammiraturi kbar tal-internazzjonali Olandiż, li jinsab fuq wara ta’ staġun eċċellenti ma’ Barcelona, li fih rebaħ l-ewwel titlu tiegħu ta’ La Liga.
Jista’ jkun l-aħħar tiegħu wkoll, hekk kif is-City qed isegwu ftehim ta’ tpartit ma’ Barcelona li jarahom jiffirmaw lil De Jong, u b’konsegwenza ta’ dan, Bernardo Silva jitlaq lejn il-Katalunja.
Barcelona huma interessati ħafna li jiffirmaw lil Bernardo, li huwa wkoll ħerqan ħafna li jiċċaqlaq, u Manchester City jittamaw li jużaw dan biex iġibu jdejhom fuq De Jong.
Madankollu, peress li De Jong qabel iddikjara li m’għandu l-ebda intenzjoni li jitlaq min-Nou Camp dan is-sajf, dan jista’ jħassar il-pjani ta’ Guardiola. Wieħed irid jara kif se tiżvolġi s-sitwazzjoni, iżda jidher li f’dan l-istadju m’għandhiex bidu.
