Swieqi United u St George’s huma l-finalisti tal-kampjonat nazzjonali tal-Beach Soccer tan-nisa.
Swieqi United baqgħu jżommu r-rekord perfett sa mill-bidu ta’ din il-kompetizzjoni wara li rebħu l-logħbiet kollha li lagħbu. Huma għelbu lil Parr Mela 6-1 f’logħba li huma ddominaw.
Michela Felice skorjat tripletta, Marie Oliveira kienet awtriċi ta’ doppjetta filwaqt li Amy Abdilla żiedet ieħor għat-tim tagħha.
Isabella Otero skorjat l-uniku gowl għal Parr Mela.
Referees kienu Stefania Bonnici u Stephen Vella.
F’logħba ferm bilanċjata u inċerta sal-aħħar, St George’s ħarġu rebbieħa fuq Zero Sei 8-6.
Liliana Coherte skorjat doppjetta filwaqt li Kirsty Paris, Shakira Bugeja, Laury Carrasco, Estephany Colomenarez, Jeanelle Falzon u Audrey Chetcuti għaqqdu l-iskor għat-tim tagħhom.
Zero Sei naqqsu l-marġni tal-iskor b’doppjetti ta’ Rocio Robles, Demi Gauci u Juciela Vale.
Referees kienu Stefania Bonnici u Andrea Naudi.
Il-finali bejn Swieqi United u St George’s se tintlagħab illejla fis-6.30pm fil-Bajja s-Sabiħa f’Birżebbuġa.
