Koppja minn Indiana fl-Istati Uniti ġew akkużati bil-qtil ta’ binhom ta’ sentejn wara li għal jiem sħaħ ħallewħ bil-ġuħ. Minn investigazzjonijiet li saru jirriżulta li t-tifel tant kemm kien bil-ġuħ li beda jiekol biċċiet mill-ħajt u anke mill-ħrieqi maħmuġin tiegħu stess.
Trevor Reichard-Hayes, ta’ 39 sena, u Katherine Carter, ta’ 31 sena ġew arrestati fil-jiem li għaddew hekk kif Erik, it-tifel instab mejjet fir-residenza tagħhom.
Informazzjoni li ħareġ mill-qorti ntqal li l-Pulizija kienu rċivew telefonata li kien hemm tifel li ntilef minn sensieh u kien jinsab fid-dar tal-ġenituri tiegħu.
Minkejja kull tentattiv biex isalvaw lit-tifel, hu ġie ċċertifikat mejjet fuq il-post.
Il-każ seħħ f’Guttenberg Lane fl-istat ta’ Indiana