Il-pajjiż ċkejken ta’ Beliże ħa “pass sinifikanti” lejn it-tneħħija tal-fdalijiet tal-kolonjaliżmu billi ssostitwixxa l-immaġni tal-mibkija Reġina Eliżabetta II fuq il-karti tad-dollaru tal-pajjiż. Minflok, il-karti tal-flus ġodda tad-dollaru issa se jonoraw eroj nazzjonali inkluż George Cadle Price, meqjus bħala missier l-indipendenza tal-pajjiż
Waqt li żvela d-disinn il-ġdid tal-karti tal-flus tard nhar il-Ħamis, il-gvernatur tal-bank ċentrali tal-Beliże, Kareem Michael, qal li flimkien ma’ sigurtà mtejba u karatteristiċi kontra l-falsifikazzjoni, il-“familja ġdida ta’ karti tal-flus tippermetti wkoll li jkun rikonoxxut u ċċelebrat il-wirt u l-istorja rikka tal-Beliże.
Il-karti tal-flus il-ġodda se jidħlu fiċ-ċirkolazzjoni f’Ġnju. Minflok wiċċ r-reġina, il-flus il-ġodda ta’ 100, 20 u ħames dollari se juru lil George Cadle Price, li kien l-ewwel Prim Ministru tal-pajjiż u huwa meqjus bħala missier l-indipendenza mill-ħakma Brittanika.
Id-dollari ta’ ħamsin, 10 u żewġ dollari se jkollhom ix-xbieha ta’ Philip Goldson, membru fundatur tal-partiti politiċi ewlenin tal-pajjiż, il-partit People’s United u l-partit Demokratiku Magħqud, li huwa ċċelebrat bħala ċampjin tal-kburija nazzjonali.
Kien hemm reazzjoni pubblika mħallta għall-karti l-ġodda, b’uħud jiddubitaw il-ħtieġa li jitfasslu mill-ġdid u oħrajn esprimew tħassib dwar l-impatt fuq il-valur tad-dollaru tal-Beliże.
Iżda għal dawk li qed jagħmlu kampanja biex jitneħħa r-Re Karlu minn kap tal-istat u t-tneħħija tal-monarka Ingliża mill-flus tal-pajjiż hija pass importanti fil-vjaġġ biex Belize jsir repubblika.
Ix-xjenzat politiku tal-Beliże Dr Dylan Vernon, eks ambaxxatur għall-Unjoni Ewropea u eks president tal-kummissjoni għar-riforma politika tal-pajjiż, qal li t-tneħħija tal-immaġni tar-reġina kienet ittardjata għal żmien twil, u ddeskrivieha bħala “pass simboliku żgħir iżda sinifikanti għad-dekolonizzazzjoni”.
Belize huwa pajjiż tal-Amerika Ċntrali b’popolazzjoni ta’ 417,072 skont statistika tal-2024. Il-pajjiż kien kiseb l-Indipendenza tiegħu fil-21 ta’ Settembru 1981 wara negozjati twal bejn ir-Renju Unit u l-Guatemala.