Manchester City mistennija li jġeddu l-kuntratt tal-winger Portugiż Bernardo Silva. Dan tal-aħħar ilu mas-Citizens sa mis-sena 2017 fejn skorja 31 gowl f’175 partita.
Minkejja li Barcellona qed juru interess f’dan il-plejer ta’ 28 sena, id-diriġenti f’Manchester huma lesti li jġeddulu l-ftehim tiegħu sabiex ikompli jagħti s-servizz tiegħu lill-klabb.
Silva lagħab ukoll ma’ Benfica u Monaco filwaqt li skorja tmien gowls fi 72 partita li lagħab mat-tim nazzjonali Portugiż.
