Il-playmaker ta’ Manchester City Bernardo Silva huwa rrappurtat li se jibqa’ mal-club dan is-sajf minkejja l-interess minn Barcelona.
Il-futur tal-player ta’ 28 sena fl-Etihad Stadium tqiegħed f’dubju f’dawn l-aħħar 12-il xahar, bl-internazzjonali Portugiż jammetti fis-sajf li għadda li kien ħerqan li jfittex club ġdid.
Silva eventwalment baqa’ mas-Citizens l-istaġun li għadda u gawda minn staġun ieħor ta’ suċċess taħt Pep Guardiola, fejn irreġistra 13-il goal u seba’ assists f’50 dehra fil-kompetizzjonijiet kollha kif ukoll rebaħ ir-raba’ titlu tal-Premier League fil-karriera tiegħu.
