L-aġent tal-goalkeeper ta’ Arsenal, Bernd Leno, ikkonferma li Fulham qed jippruvaw jakkwistaw lill-Ġermaniż dan is-sajf.
Leno tilef postu bħala l-goalkeeper numru wieħed ta’ Arsenal għas-spejjeż ta’ Aaron Ramsdale fl-istaġun 2021-22 u mistenni jitlaq fil-ġimgħat li ġejjin wara li qatta’ l-maġġoranza tal-kampanja fuq il-bank tar-riservi.
Newcastle United preċedentement kienu marbuta ma’ offerta għall-ex player ta’ Bayer Leverkusen, iżda l-Magpies donnhom qalbu l-attenzjoni tagħhom fuq Dean Henderson ta’ Manchester United.
