Bħal-lum 96 sena ilu, eżattament fis-6 ta’ Awwissu, 1926, l-Amerikana Gertrude Ederle, ta’ 19-il sena, saret l-ewwel mara li għamet il-Kanal Ingliż meta ħadet ftit inqas minn 15-il siegħa.
Il-ħin tagħha kien aħjar minn ħames għawwiema maskili li kienu diġá qasmu dan il-baħar.
Din it-tfajla minn New York kienet ta’ ispirazzjoni kbira għan-nisa hekk kif id-dinja kienet għadha taħt l-effett tad-dipressjoni tal-Gwerra l-Kbira.
Il-ħinijiet ta’ dawk li qasmu l-Kanal Ingliż kienu:
1875 – Captain Webb – 21 siegħa u 45 minuta
1911 – Burgess – 21 siegħa u 35 minuta.
1923 – Sullivan – 26 siegħa u 50 minuta
1923 – Tiraboschi – 16-il siegħa u 33 minuta
1923 – Toth – 16-il siegħa u 54 minuta
1926 – Gertrude Ederle – 14-il siegħa u 45 minuta
Ta’ min jgħid ukoll li dan kien it-tieni tentattiv ta’ Ederle meta, f’Awwissu 1925, hija ppruvat taqsam il-Kanal iżda wara 10 mili kellha tirtira minħabba baħar qawwi.
