Meta ngħata bidu għall-fażi finali tal-Kampjonat Ewropew ta’ Taħt id-19-il sena, Franza kellhom bidu mill-aktar pożittiv meta f’Antona Malatinskeho Stadium, f’Trnava, għelbu lit-team ospitu, is-Slovakkja, bl-iskor ta’ 5-0.
Huma fetħu l-iskor fis-16-il minuta meta Loun Tchaouna kkonnettja mill-cross ta’ Brayann Pereira. Fl-34 minuta, Les Bleus irdoppjaw meta azzjoni bejn Andy Diouf u Alan Virginius spiċċat għand Ange-Yoan Bonny li kien pront xeħet il-ballun fix-xibka.
Fit-tieni taqsima, il-Franċiżi komplew jiddominaw u skorjaw tliet darbiet mingħajr risposta fi spazju ta’ ħames minuti … minn Virginius (57) li xeħet fix-xibka mill-viċin. Żewġ minuti wara, huma skorja ir-raba’ goal wara li Bonny approfitta minn taħwida quddiem il-lasti … biex Virginius (62) issiġilla rebħa minn daqqa ta’ ras.
