Hibernians……………….1
Birkirkara………………….1
Fil-konfront bejn Birkikrara u Hibernians irrenja bilanċ assolut hekk kif dawn iż-żewġ timijiet temmew il-konfront ta’ bejniethom fi draw ta’ 1-1, biex b’hekk l-aktar li gawdew kienu l-leaders Hamrun Spartans.
Birkirkara fetħu l-iskor fit-23 minuta meta Yannifk Yankam għadda tajjeb lejn OSVALDO IORIO li niżżel il-balun b’sidru u kellu xutt bid-dawra li ma ta l-ebda ċans lill-goalkeeper tal-Pawlisti, Ibrahim Kone.
L-Istripes komplew jiddettaw il-logħob u fit-33 minuta Alex Da Paixao Alves serva fuq platt tal-fidda lil Diego dal’Oca li kellu x-xutt fil-baxx tiegħu salvat minn Kone.
Minuta biss wara reġa’ kien Kone l-eroj għat-team tiegħu hekk kif salva tajjeb fuq Paul Mbong.
Hibs wieġbu fl-44 minuta meta Thaylor Aldama għadda tajjeb lejn Jurgen Degabriele li kellu d-daqqa ta’ ras tiegħu minn ġol-kaxxa tintemm għoli.
Wara l-mistrieħ, Hibernians ħarġu ferm aggrressivi fit-tentattiv ovvju li jġibu l-iskor indaqs u ta’ dan ġew ippremjati fit-58 minuta meta Muritala minn tarf il-kaxxa għadda tajjeb lejn KURT SHAW li kellu x-xutt fil-baxx tiegħu li ma ta l-ebda ċans lill-goalkeeper Taljan tal-istripes, Gacomo Nava.
Fit-88 minuta Gabriel Mensah kellu f’saqaajh il-goal tar-rebħa għal Hibernians iżda x-xutt mill-viċin tiegħu ġie salvat bi bravura minn Nava.
Hibernians: 24-Ibrahim Kone, 3-Ferdinando Apap, 4-Kurt Shaw, 6-Gonzalo Llerena, 7-Thaylor Aldama, 8-Jake Grech, 10-Jurgen Degabriele, 11-Bjorn Kristensen, 22-Gabriel Izquier Artiles, 23-Yunusa Muritala (17-Gabriel Mensah 83), 42-Ali Diakite Coach: Andrea Pisanu
Birkirkara: 1-Giacomo Nava, 2-Osvaldo Iorio, 5-Enrico Pepe, 6-Diego Dall’Oca (25-Neil Micallef 68), 7-Alex Da Paixao Alves (77-Denis Ribeiro 74), 8-Yannick Yankam, 10-Paul Mbong (E. Cabrera 68), 11-Kurt Zammit, 17-Nemanja Radojevic, 42-Simon Zibo, 92-Kevin Tulimieri Coach: Giovanni Tedesco
Referee Fyodor Zammit
Ass. Referees: Edward Spiteri, James Muscat
Raba’ Uffiċjal: Glen Tonna
Skorers: O. Iorio 23 (B), K. Shaw 58 (H)
Ammoniti: D. Dall’Oca, P. Mbong, O. Iorio (B), A. Diakite, G. Llerena, K. Shaw (B)
Player tal-Logħba: Osvaldo Iorio (B)
.
