Hekk kif Napoli għadhom qed jirsistu sabiex jiksbu s-servizzi tal-attakkant Belġjan Romelu Lukaku, id-direttur sportiv tal-Partenopei Giovanni Manna jinsab Londra sabiex jagħlaq akkwist importanti ta’ Billy Gilmour. Dan tal-aħħar għandu 23 sena u hu plejer ta’ nofs il-grawnd mill-Iskozja. Hu jilgħab ma’ Brighton and Hove Albion fejn kien protagonista fl-istaġun eċċellenti li kellu dan it-tim.
Il-kowċ ta’ Napoli Antonio Conte jrid dan il-plejer biex isaħħaħ nofs il-grawnd li deher xi ftit vulnerabbli fl-ewwel logħba tal-kampjonat kontra Hellas Verona.
