Sta Lucia ……..0
Birkirkara …….4
Birkirkara rreġistraw ir-raba’ rebħa minn daqstant partiti meta għelbu lil Sta Lucia bl-iskor ta’ 4-0. Din ir-rebħa mmaturat fit-tieni taqsima hekk kif il-goals kollha ġew skorjati wara l-mistrieħ.
Min-naħa l-oħra, għal-Luċjani, din kienet ir-raba’ telfa konsekuttiva li tħallihom ankrati fil-qiegħ tal-klassifika flimkien ma’ Pietá Hotspurs li għadhom mingħajr l-ebda punt.
Sta Lucia għamlu żewġ bidliet mit-telfa ta’ 2-1 kontra Zebbug Rangers hekk kif il-goalkeeper, Ġappuniż Makoto Kikushima, u Michael Johnson ħadu post Dylan Ciappara u Thomas Rier rispettivament.
Min-naħa l-oħra, Birkirkara kellhom lil Osvaldo Iorio u Paul Mbong jieħdu post Kurt Zammit u Neil Micallef.
Wara li fl-ewwel taqsima, il-Luċjani rreżistew il-pressjoni tal-Istripes, dawn tal-aħħar fetħu l-iskor fil-55 minuta meta minn cross mil-lemin ta’ Kevin Tulimieri, Yannick Yankam għeleb lil Kikushima b’first timer.
Fit-68 minuta, l-Istripes irduppjaw l-iskor meta minn cross ta’ Alex da Paixao, Enzo Daniel Cabrera indirizza l-ballun lejn il-lasti b’Michael Johnson ikun sfortunat li jiddevja l-ballun fix-xibka tiegħu stess.
Tliet minuti wara, Alex da Paixao serva lil Enzo Daniel Cabrera fuq il-lemin li mill-viċin għeleb lill-goalkeeper Kikushima.
Bil-logħba mirbuħa u mitlufa, il-Karkariżi baqgħu jamministraw il-logħba u fil-ħin miżjud huma ssiġillaw ir-rebħa liema goal wasal mill-player żagħżugħ Mathias Conti, li kien qed jagħmel l-ewwel dehra tiegħu mal-Istripes, ikkonkluda bir-ras mill-cross ta’ Paul Mbong.
STA LUCIA: 16-Makoto Kikushima, 4-Michael Johnson, 8-Robert Bairam, 9-Meghon Davidy Valpoort (19-Reon Saito 69), 10-Liam Blie Bah, 13-Diego Francarolli Pacheco (28-Zvi Jie 78), 14-Dexter Xuereb, 17-Jurgen Pisani, 20-Francisco Rodrigues Farias, 22-Jamie Zerafa (7-Liam McKay 78), 27-Miguel Angel Alba – Coach: Pablo Cortes Sanchez
BIRKRIKARA: 1-Giacomo Nava, 2-Osvaldo Iorio (3-Mathias Conti 83), 5-Enrico Pepe, 6-Diego Pires Dall’Orca, 7-Alex Da Paixao Alves (25-Neil Micallef 74), 8-Yannick Yankam (11-Kurt Zmamit 83), 10-Paul Mbong, 22-Cain Attard, 30-Enzo Daniel Cabrera (77-Denis Custodio Ribeiro 74), 72-Alessandro Coppola, 92-Kevin Tulimieri (20-Federico Falcone 64) – Coach: Giovanni Tedesco
REFEREE: Slobodan Petrovic
ASS. REFEREES: Luke Portelli, Paul Apap
RABA’ UFF: Ishmael Barbara
SKORERS: Y. Yankam 55, M. Johnson 68 o.g., E. Cabrera 71, M. Conti 91 (B)
AMMONITI: M. Valpoort, D. Pacheco, M.A. Alba, J. Pisani (SL)
