Ritratt: Dominic Borg
Gzira Utd ……1
Birkirkara …..1
Birkirkara naqsu milli jingħaqdu ma’ Hibernians fil-quċċata tal-Kampjonat BOV Premier hekk kif ġew miżmuma fi draw ta’ 1-1 minn Gżira United.
Dan kien għalhekk it-tieni draw konsekuttiv ta’ 1-1 wara dak ma’ Floriana biex b’ hekk baqgħu bla megħluba. Min-naħa tagħhom, Gżira kisbu punt ieħor importanti biex ikomplu javvanzaw fil-klassifika hekk kif issa għandhom sitt punti.
L-ewwel azzjoni denja ta’ nota waslet fl-10 minuta min-naħa tal-Maroons meta Nikolai Muscat bidel il-ballun ma’ Jefferson u ttanta xortih b’xutt minn barra l-kaxxa li ġie salvat minn Daniel Fernandes. Ħames minuti wara free-kick ta’ Steve Pisani minn nofs il-ground ġie mblukkat minn Fernandes.
Birkirkara rrispondew fis-26 minuta b’pass ta’ Ryan Scicluna lejn Jeferson Macedo bix-xutt tiegħu jiġi mblukkat minn Anthony Curmi biex ftit tas-sekondi wara, xutt mill-viċin ta’ Luke Montebello wara li rċieva l-ballun mingħand Paul Mbong reġa’ ġie nnewtralizzat.
Fl-34 minuta, Birkirkara fetħu l-iskor meta mill-cross ta’ Cain Attard kien FEDERICO FALCONE li għeleb lil Curmi b’xutt fil-baxx.
Iżda tliet minuti wara, clearance fit-tul ta’ Steve Borg qabdet lill-Karkariżi fuq sieq waħda biex YURI MESSIAS ħarab fuq il-lemin, daħal fil-kaxxa u għeleb lil Fernandes b’xutt angolat.
Żewġ minuti minn tmiem l-ewwel taqsima, Jefferson de Assis seta’ tefa’ lill-Gżirjani fil-vantaġġ iżda kkonkluda għoli mill-viċin waqt li fil-ħin miżjud, Messias temm azzjoni b’xutt minn barra l-kaxxa li għadda ftit barra.
Fil-50 minuta, Luke Montebello kellu xutt salvat minn Curmi u ħames minuti wara, il-konklużjoni mill-viċin ta’ Messias dehret destinata għal ġewwa iżda Cain Attard qala’ l-ballun minn fuq il-linja.
Fis-67 minuta, Leandro Aguirre kien sfortunat li laqat sieq il-lasti bi free-kick sabiħ mix-xellug.
GZIRA U.: 1-Anthony Curmi, 3-Gabriel Bohrer Mentz, 4-Steve Borg, 6-Nikolai Muscat, 7-Steve Pisani, 11-Yuri Messias, 20-Nevin Portelli, 91-Maxuell Maia (19-Martin Davis 69), 93-Thiago Espindola, 94-Jefferson de Assis, 98-Jackson Mendoza – Coach: Darren Abdilla
BIRKIRKARA: 1-Daniel Fernandes, 5-Enrico Pepe, 7-Luke Montebello, 10-Paul Mbong (30-Kilian Bevis 71), 11-Kurt Zammit, 20-Federico Falcone, 21-Ryan Scicluna (8-Claudio Bonanni 82), 22-Cain Attard, 25-Oscar Carniello, 27-Leandro Aguirre, 70-Jeferson Macedo – Coach: Andre Paus
REFEREE: Trustin Farrugia Cann
ASS. REFEREES: Luke Portelli, Christopher Francalanza
RABA’ UFF: Daniel Portelli
SKORERS: F. Falcone 34 (B); Yuri Messias 37 (GU)
AMMONITI: G. Bohrer, S. Pisani (GU); K. Zammit (B)
PLAYER TAL-LOGĦBA: Enrico Pepe (Birkirkara)
