Birkirkara …….1
Sliema W. …….1
Minn Cristian Muscat
F’konfront li ħa l-ħajja fit-tieni taqsima, Birkirkara u Sliema Wanderers temmew fi draw ġust ta’ 1-1, bl-Istripes jilagħbu l-aħħar 20 minuta bi player inqas.
Iżda dan id-draw ma kkuntenta lil ħadd hekk kif iż-żewġ timijiet fallew żewġ punti importanti fin-naħa ta’ fuq tal-klassifika, b’Birkirkara jistgħu jiġu milħuqa fil-quċċata.
Kien biss fis-36 minuta li waslet l-ewwel azzjoni denja ta’ nota bi Sliema Wanderers jiftħu l-iskor meta l-attakkant Sloven VITO PLUT approfitta minn indeċiżjoni fid-difiża ta’ Birkirkara u permezz ta’ xutt fil-baxx minn qagħda ideali tefa’ l-ballun fir-rokna tax-xibka.
Fil-45 minuta Birkirkara wieġbu għall-ewwel darba meta wara li rċieva minn free-kick qasir, Alessandro Coppola kellu x-xutt fil-baxx tiegħu mid-distanza jintemm ferm barra.
Fi-ftuħ tat-tieni taqsima, Birkirkara, ħarġu aktar aggressivi fit-tentattiv li jiskorjaw il-goal tad-draw … u wara biss ftit sekondi, wara li rċieva minn cross perfett, Paul Mbong, kelllu d-daqqa ta’ ras tiegħu li ntemmet barra.
Fit-52 minuta, Sliema rrispondew permezz ta’ xutt saħħtu ta’ Simon Zibo mid- distanza li ntemm għoli.
Erba’ minuti wara, Birkirkara kisbu d-draw meta MAXUELL MAIA kien fil-post it-tajjeb u fil-mument opportun u mill-viċin tefa’ gewwa, b’dan ikun l-10 goal staġjonali tiegħu.
Fid-59 minuta, il-Wanderers reġgħu ħolqu l-periklu meta free-kick insidjuż ta’ Steve Pisani ġie mdawwar f’corner mill-goalkeeper, Giacomo Volpe.
Fis-70 minuta, il-Karkariżi ħadu daqqa ta’ ħarta meta spiċċaw jilagħbu b’10 players meta tkeċċa l-attakant Brażiljan, Maxuell Maia, wara li ntwera t-tieni karta safra.
birkirkara: 1-Giacomo Volpe, 3-Ignacio Morello, 5- Agustin Sandona (77-Maicon 46), 7-Shaun Dimech, 8-Paul Mbong (25-Neil Micallef 58), 11-Kurt Zammit, 20-Alex Satariano, 24-Lautaro Lacunza, 27-Alessandro Coppola, 91-Maxuell Maia, 93-Gislain Yikpe (18-Seth Paintsil 55) (4-Luis Cordova Mina 78) – Coach: Stefano De Angelis
sliema w.: 12-Kelvin Emeka Agu, 2-Jean Borg, 7-Adam Magri Overend (77-Mohamed Awad 77), 9-Vito Plut, 11-Myles Beerman, 15-Gustavo Alcino, 20-Wescley (97-Jonata De Oliveira Bastos 67), 31-Henrique Murilo, 33-Geoffrey Edwin Acheampong, 42-Simon Zibo, 70-Steve Pisani – Coach: xPaul Zammit
REFEREE: Malcolm Spiteri
ASS. REFEREES: Duncan Sultana, Paul Apap
RABA’ UFF: Trustin Farrugia Cann
SKORERS: V. Plut 36 (S), M. Maia 56 (B)
AMMONITI: K. Zammit, M. Maia (2), S. Dimech, G. Volpe, A. Satariano (B), S. Zibo, J. Borg, G. Alcino, M. Beerman (SW)
TKEĊĊA: M. Maia 70 (B)
