Xi restoranti fil-Belt Valletta lbieraħ ramew skart barra fit-triq bit-tama li xi ħadd imur u jiġbru.
Kien is-Sindku tal-Belt Alfred Zammit li qal li lbieraħ il-ħaddiema ta’ Clean Malta kellhom jidħlu xogħol tard filgħaxija biex inaddfu l-ħmieġ li ħallew ċertu sidien tar-restoranti.
Is-Sindku qal li “se nkun ċar u dirett għax hawn numru mhux żgħir ta’ restoranti li qed jiperaw mingħajr kuntrattur privat għal ġbir tal-iskart.”
Is-sistema tal-ġbir tal-iskart hi li l-Kunsilli Reġjonali huma responsabbli mill-ġbir tal-iskart domestika, iżda imbgħad negozju fosthom restoranti għandu jkollhom kollettur privat li jiġbor l-iskart tagħhom.
Il-Belt Valletta hija waħda mill-postijiet li jidher li s-sidien tan-negozji mhux qegħdin ikollhom kuntrattur privat bil-konsegwenza li qed iħallu ħafna skart barra fit-triq.
Zammit appella lil kull stabbiliment biex jirregola ruħu għax mingħajr ftehim ma’ kollettur privat wieħed ma jistax joperaw.
Hu rringrazzja lil ħaddiema ta’ Clean Malta li kellhom imorru l-Belt biex iżommu l-post nadif.
Ghalqilhom il hanut lill kull min jitfa zibel barra.Galhom ihalsu tax-xoghol li kellhom jaghmlu Clean Malta.Plus multa.Ghamel by law fil kunsill tal Belt li min jinqabad ihalli zibel barra jew ihammeg talaqlu l hanut ghal numru ta granet barra li sid jrid jaghmel xoghol fil komunita. IL KUNSILLI MHUX TAL BELT BISS IZDA KOLLA GHANDHOM IKUNU IBSIN MA MIN IHAMMEG.