“Bla Kliem iżda fuq Alla m’hemm ħadd”. Stqarr dan magħna iż-żagħżugħ ta’ 25 sena Malcolm Pirotta li kellu jilbes fil-purċissjoni organizzata mill-Kolleġjata ta’ Maria Bambina tan-Naxxar iżda li mhux se jkun jista’ jagħmel dan hekk kif proprju ftit tal-ħin ilu tħabbar li tabilħaqq din il-purċissjoni kienet tħassret minħabba r-riħ qawwi.
Huwa kompla li “Kelli kollox ippreparat fosthom il-libsa li kienet ilha ġimgħa mgħoddija. X’jibqa’ fik… diżappunt kbir wara kważi tliet snin ġewwa, jiġi jagħmel dan it-temp. Lanqas nista’ nemmen. Forsi tkun sena oħra!”
