Jojo’s Birżebbuġa huma r-rebbieħa tal-Community Christmas Trophy organizzata mill-Malta Blackball Federation.
Fil-finali, it-tim min-nofsinhar ta’ Malta għelbu lil Valletta Fossa Boys 11-7 f’finali verament interessanti.
Wara bidu bilanċjat, Jojo’s Birżebbuġa ħadu r-riedni tal-logħba f’idejhom fejn kellhom vantaġġ ta’ 8-2 favurihom.
Il-Beltin rebħu tliet frames konsekuttivi sabiex resqu viċin l-avversarji tagħhom, għalkemm ma sabuhiex faċli jilħquhom sabiex eventwalment tilfu 11-7.
Fi tmiem il-logħba, is-segretarju tal-MBF Christ Busuttil, ippreżenta t-tazza lill-captain ta’ Jojo’s Birżebbuġa Louis Gravina.
