Tliet timijiet għaddew għas-semifinali tan-National Knock-out wara rebħiet li kellhom fil-kwarti tal-finali.
Cospicua Rangers għelbu lir-rivali Ħamrun 147 A 21-13 filwaqt li t-tieni tim ta’ Ħamrun 147 rebaħ lil Birkirkara Youngsters 21-16.
Valletta Breakwater saru t-tielet semifinalisti wara skor pożittiv ta’ 21-10 kontra San Ġwann Nick’s A.
Bejn illum u għada tintlagħab l-aħħar kwarti tal-finali bejn Jojo’s Birżebbuġa A u Birkirkara Duke’s A sabiex jiġi determinat ir-raba’ semifinalist.
Sadanittant fir-Regional Knock-Out kien hemm il-kwalifikazzjoni ta’ Birkirkara Duke’s C, Valletta Fossa Boys B, Birkirkara Youngsters B, Domus Kids Żejtun A, Ħamrun 147 D u San Ġwann Tiki Taka li għaddew mir-round preliminari sabiex issa jilagħbu fir-round tas-sittax.
