Borussia Dortmund m’għandhom l-ebda intenzjoni li jbigħu lil Jude Bellingham għal ammont inqas minn £85m fis-sajf li ġej.
Minkejja li għalaq 18-il sena biss f’Ġunju li għadda, l-ex player ta’ Birmingham City diġà għamel 52 dehra għall-ġganti tal-Bundesliga.
Wara li għamel impatt fix-xena internazzjonali mal-Ingilterra, numru ta’ clubs qed ifittxu li jġibu liż-żagħżugħ lura fil-football Ingliż.
Madankollu, Dortmund m’għandhom l-ebda għaġġla biex ibiegħu lill-player u se jinsistu li jirċievu £ 85 miljun għall-firma tiegħu.
Liverpool, Chelsea u Manchester City huma fost il-clubs tal-Premier League li jingħad li qed isegwu s-sitwazzjoni u jistgħu jkunu lesti li jilħqu dik iċ-ċifra.
Il-kuntratt ta’ Bellingham fil-Westfalenstadion jiskadi fi tmiem l-istaġun 2024-25.
