Fi tmiem din il-ġimgħa qed tiġi osservata minuta silenzju qabel il-logħbiet mill-kampjonat fl-Ingilterra u anke fil-Ghana wara l-mewt traġika ta’ Christian Atsu. Dan il-plejer ta’ 31 sena kien wieħed mill-vittmi fit-terremot li laqat it-Turkija matul ix-xahar li għadda.
Bosta partitarji ta’ Chelsea, Porto u Newcastle United, timijiet li kien jilgħab magħhom, fakkru l-memorja ta’ dan il-plejer li dan l-aħħar kien jilgħab ma’ Hatayspor fit-Turkija u li kien fl-appartament tiegħu fil-mument tat-terremot.
