Jidher li f’Jannar li ġej, l-attakkant Ivan Toney, se jħalli lil Brentford hekk kif kullana ta’ clubs qed jiġru wara l-firma tiegħu … fosthom Chelsea, Manchester United, Everton, West Ham, Leeds, Newcastle United u Tottenham Hotspur.
S’issa dan il-player ta’ 26 sena skorja sitt goals f’disa’ logħbiet fil-Premier League Ingliż bil-konsegwenza li fil-jiem li għaddew ġie msejjaħ ukoll għall-ewwel darba fl-iskwadra nazzjonali Ingliża.
Filwaqt li Manchester United iridu lil Toney biex ikun is-suċċessur ta’ Cristiano Ronaldo li mistenni jħalli Old Trafford f’Jannar li ġej, teżisti possibbiltá li huwa jkun l-ewwel akkwist tal-coach il-ġdid ta’ Chelsea, Graham Potter.
Dawn tal-aħħar jibdew favoriti minħabba li jekk jingħaqad magħhom jibqa’ jgħix f’Londra.
