Il-kap tal-Partit Laburista Keir Starmer qed isostni li Liz Truss m’għandhiex tkun intitolata għall-benefiċċji li jitilgħu sa £115,000 fis-sena wara r-riżenja tagħha minn Prim Ministru.
Liz Truss ħabbret dwar ir-riżenja tagħha minn Prim Ministru tal-Ingilterra wara biss 45 jum fil-kariga. Dan se jkun ifisser li Truss issa se tkun tista’ tapplika għal benefiċċju tal-‘PDCA’, liema benefiċċju jingħataw bi dritt l-eks Prim Ministri tal-pajjiż.
Madanakollu l-mexxej tal-Partit Laburista qed isostni li f’dawn il-ftit ġranet Truss ma kellhiex tingħata d-dritt għal dawn il-benefiċċji.
