Diversi lokalitajiet madwar Malta u Għawdex spiċċaw bla provvista tal-elettriku. Il-qtugħ fil-provvista tal-elettriku kienet rapportata ftit wara s-7.30 p.m.
F’kumment fuq il-midja soċjali l-Enemalta qalet li l-qtugħ fil-provvista kien ikkaġunat minn ħsrat fl-interconnector. Hija żiedet tgħid li kienet qed taħdem biex tindirizza s-sitwazzjoni.
Il-provvista tal-elettriku bdiet terga’ tiġi lura għan-normal wara madwar nofs siegħa.
