Il-forward ta’ Hibernians Ayomide Ajiboye ġie vvutat bħala l-BOV Basketball Plejer tax-Xahar għal Ottubru 2025. Olivia Wikstrom tal-Luxol rebħet il-premju għall-kampjonat tan-nisa b’Alessio Trapani ta’ Depiro jirbaħ ir-rikonoxxenza individwali għall-BOV Amateur League.
Ajiboye b’tul ta’ 6’5″, minn Chicago wassal lil Hibernians sal-finali tal-John Tabone Shield b’sensiela ta’ prestazzjonijiet dominanti. Il-wirja eċċellenti tiegħu waslet fis-semi-finali kontra Luxol, fejn skorja 24 punt u b’100% mix-xuttijiet ta’ 2 punti. Ajiboye kellu l-ogħla b’perċentwal ta’ 73% minn ġol-court fejn kiseb ta’ 67 punt fix-xahar t’Ottubru.
Il-plejer Amerikana ta’ Luxol, Olivia Wikstrom, ħalliet il-marka tagħha bħala guard dinamika minn Washington. Hija kellha medja ta’ 32 punt kull logħba għal total ta’ 96 punt, filwaqt li lagħbet 37.16-il minuta f’kull partita. L-isplużjoni tagħha ta’ 38 punt, l-ogħla fil-logħba, kontra Athleta, segwita minn prestazzjoni dominanti ta’ 31 punt kontra Depiro li żiedet mal-14.67 rebounds impressjonanti tagħha għal kull logħba, tatha l-vantaġġ deċiżiv biex tirbaħ dan l-unur.
Il-guard ta’ Depiro Hoops ta’ 5’11” Alessio Trapani kellu Ottubru b’saħħtu, b’medja ta’ 20 punt kull logħba filwaqt meta lagħab medja ta’ 34.5 minuta kull logħba. B’perċentwal notevoli ta’ 61% mit-tiri ta’ żewġ punti, Trapani ħareġ bħala l-aqwa skorer tat-tim tiegħu, b’ 25 punt kontra Valletta Tamaraws u kontribuzzjoni soda ta’ 16-il punt kontra Luxol.
It-trofej magħmulin apposta ġew ippreżentati lir-rebbieħa mill-Uffiċjal Kap tal-Operazzjonijiet tal-BOV Ernest Agius, u dan jenfasizza l-impenn tal-Bank li jirrikonoxxi l-eċċellenza fil-basketball Malti.
Il-Bank of Valletta jibqa’ sostenitur kburi tal-isports lokali, irawwem it-talent u jippromwovi stili ta’ ħajja tajbin għas-saħħa permezz tal-isponsorizzazzjonijiet u l-inizjattivi tiegħu. Is-sħubija fit-tul tal-Bank mal-Assoċjazzjoni Maltija tal-Basketball tirrifletti d-dedikazzjoni tiegħu li jrawwem il-potenzjal atletiku u jsaħħaħ l-impenn tal-komunità permezz tal-isport.
