Il-Bank of Valletta huwa kburi li jħabbar ir-rebbieħa tal-Unuri tal-BOV Basketball Plejers tax-Xahar għal Frar 2026, unuri li jiċċelebraw tliet atleti eċċellenti li taw prestazzjonijiet eċċezzjonali fid-diviżjonijiet ewlenin tal-basketball ta’ Malta. L-unuri ġew ippreżentati lir-rebbieħa minn Ernest Agius, Uffiċjal Kap tal-Operazzjonijiet fil-Bank of Valletta, waqt ċerimonja qasira li saret fil-Paviljun tal-Basketball ta’ Ta’ Qali.
Fl-Ewwel Diviżjoni tal-BOV, il-guard ta’ Starlites Jackson ThreadGill iddistingwa ruħu bħala l-aktar plejer li ħalla impatt matul ix-xahar. ThreadGill kiseb 24.67 punt kull logħba fejn akkumula 66 punt fi tliet logħbiet. L-istil aggressiv tal-logħob tiegħu ġibed pressjoni difensiva sinifikanti, bl-avversarji jikkommettu medja ta’ sitt fouls kull logħba kontrih, filwaqt li żamm il-kalma fuq il-linja billi kkonverti 20 minn 30 tentattiv ta’ free throw. Il-kontribut ta’ ThreadGill kien enfasizzat aktar mill-ammont kbir ta’ minuti tiegħu, fejn qatta’ aktar minn 33 minuta kull logħba fil-COURT u b’mod konsistenti mexxa r-ritmu offensiv ta’ Starlites matul Frar.
Fil-kampjonat tan-nisa, il-plejer prominenti ta’ Hibernians, Steffi de Martino, rebħet l-unur ta’ Frar grazzi għall-eċċellenza u t-tmexxija tagħha. De Martino skorjat 80 punt f’ħames logħbiet, b’medja ta’ 16-il punt għal kull logħba, u baqgħet theddida kostanti mid-distanza bi 12-il three pointer minn 42 tentattiv. L-attenzjoni difensiva tagħha kisbet 2.88 steals kull logħba, filwaqt li s-saħħa tagħha taħt il-bords rawha tikseb 7.41 rebounds kull logħba. Hi kienet essenzjali għat-tranżizzjonijiet ta’ Hibernians u wriet aktar il-ħila tagħha fil-playmaking b’4.18 assists kull logħba, b’medja ta’ 35.44 minuta kull logħba fil-court, b’dawn il-fatturi jenfasizzaw ir-rwol ċentrali tagħha fil-prestazzjonijiet tat-tim fi Frar.
Fil-BOV Amateur League, David Bugeja ta’ Depiro Hoops assigura l-unur wara xahar ta’ skorjar konsistenti u logħob b’enerġija għolja. Bugeja rreġistra 99 punt f’erba’ logħbiet, b’medja ta’ 24.75 punt kull logħba, u kkomplementa dan b’4.32 assists kull logħba, u wera l-kapaċità tiegħu li jibbilanċja l-output offensiv personali mal-involviment effettiv tat-tim. L-istil fiżiku tal-logħob tiegħu rah ukoll jassorbi 5.25 fouls kull logħba, li jirrifletti d-diffikultà li l-avversarji ffaċċjaw biex jippruvaw jikkontrollawh.
Il-Bank of Valletta jestendi l-aktar awguri lit-tliet rebbieħa u jafferma mill-ġdid l-impenn tiegħu li jappoġġja l-iżvilupp u l-viżibilità tal-basketball u t-talent sportiv lokali madwar Malta.