Tyson Fury se jiġġieled kontra Derek Chisora f’konfront tal-heavyweight fit-Tottenham Hotspur Stadium ta’ Londra fit-3 ta’ Diċembru.
Iċ-champion tal-heavyweight tad-WBC Fury kien qiegħed f’taħditiet ma’ Anthony Joshua dwar ġlieda kollha Brittanika, iżda n-negozjati fallew ix-xahar li għadda.
Fury, li għadu bla telfa wara 33 ġlieda professjonali, għeleb lil Chisora darbtejn qabel, fl-2011 u fl-2014.
Il-Gypsy King għeleb lil Dillian Whyte fl-aħħar konfront tiegħu aktar kmieni din is-sena u qed iħares b’ottimiżmu lejn konfront maċ-champion tad-WBO, WBA u IBF Oleksandr Usyk għall-kampjonat mhux ikkontestat fl-2023.
